“Qarabağ” Avropa Liqasının Liqa mərhələsinin VII turunda Rumıniyanın FCSB klubuna uduzub – 2:3.
“FutbolPress“in məlumatına görə, “atlılar” sona bir tur qalmış 36 komanda arasında 3 xalla 34-cü sıradadır.
“Qarabağ” turnirdə ev oyunlarında ən pis nəticə göstərən ikinci komandadır. Qurban Qurbanovun yetirmələri 4 ev matçında xal qazana bilməyib. 4 qol vuran komanda 12-ni də buraxıb.
Ən pis göstərici isə Ukraynanın “Dinamo” klubuna məxsusdur. Kiyev təmsilçisi nominal ev sahibi kimi keçirdiyi 3 oyunu da uduzub və bu görüşlərdə 1 qol vurub, 9-nu buraxıb.
