“Karlayl Yunayted”in yeni transferi Pol Dummett avtomobil qəzası keçirdikdən sonra “Bradford Siti” ilə II Liqa matçında iştirak edə bilməyib.
Futbolpress.az xəbər verir ki, bu barədə komandanın baş məşqçisi Maykl Uilyamson məlumat verib:
“O yaxşıdır, avtomobil qəzasında idi, ona görə də günü bəzi testlər aparmaqla keçirdi. Amma sağlamdır, ona görə də bazar ertəsi məşqə qayıtmalı və gələn həftə sonu üçün hazır olacaq”.
Müdafiəçi 2010-2024-cü illərdə “Nyukasl”da çıxış edib. O, yanvarın 10-da “Karlayl”a qoşulub və komandanın heyətində hələ bir oyun da keçirməyib.
