“Arsenal”ın futbolçusu Nuno Tavareş karyerasını İtaliyada davam etdirə bilər.
Futbolpress.az xəbər verir ki, “Latsio” portuqaliyalı müdafiəçini icarəyə götürmək istəyir. Bu barədə İngiltərə mətbuatı məlumat yayıb. Paytaxt klubu oyunçunu 6 milyon avroya transfer etmək hüququ ilə birlikdə heyətinə qatmağa çalışır.
25 yaşlı futbolçu keçidini tamamlamaq üçün yaxın günlərdə Romaya yollanacaq.
Nuno ötən mövsüm “Nottingem Forest”də icarədə olub. O, 12 oyunda 3 məhsuldar ötürmə ilə yadda qalıb.
