“Real”ın sabiq baş məşqçisi Zinəddin Zidan “Mançester Yunayted”ə rəhbərlik edə bilər.
Futbolpress.az xəbər verir ki, bu barədə “The İndependent” nəşri məlumat yayıb. Xəbərdə “qırmızı şeytanlar”ın idman sektorunun baş direktoru Jan-Klod Blanın tez-tez Zidanla əlaqə saxladığı bildirilib.
“Mançester Yunayted”in sahibi Cim Retkliff uzun müddət Zidanın fanatı olub. O, fransalı mütəxəssisin komandanı çalışdırması arzusundadır.
Zidan 2016-2018 və 2019-2021-ci illərdə “Real”a rəhbərlik edib. Fransalı 2021-ci ildən işsizdir.
