Tanınmış jurnalist Cahe Motaya görə Vinisius Junior FIFA-nın ən yaxşı kişi oyunçusu mükafatını qazanıb.
Futbolpress.az xəbər verir ki, bunu “The Athletic” nəşrinin reportyoru Mario Korteqana da təsdiqləyib. Mükafat 21 avqust 2023-cü il və 10 avqust 2024-cü il tarixləri arasında dünyanın ən yaxşı kişi oyunçusuna verilir.
Braziliyalı oyunçu mükafatı şəxsən Qətərin paytaxtı Dohada alacaq. Qalib rəsmi olaraq dekabrın 17-də elan olunacaq.
Xatırladaq ki, Vinisius bundan öncə Rodriyə 2024-cü ildə verilən “Qızıl top”u əldən vermişdi.
