“Sumqayıt”ın futbolçusu Səbuhi Abdullazadənin “FutbolPress“ə müsahibəsi:
– Uzun fasilədən sonra “Səbail”lə oyunda qələbə qazandınız. Fikirlərini bölüşərdin…
– Qələbə bizim üçün çox vacib idi. Uzun müddət idi ki, qələbəyə həsrət idik. 6 xallıq bir oyun idi və şükürlər olsun, qələbə qazandıq. Ümid edirəm, bu qələbələrin ardı gələr, azarkeşlərimizi sevindirərik.
– Vaqif Cavadovun gəlişindən sonra komanda 2 oyuna 3 xal qazanıb. Komandada Abasovun gedişindən sonra nə dəyişdi?
– Hər məşqçinin öz oyun üslubu, futbola baxışı var. Vaqif müəllimin bizdən nələri tələb etdiyini anlayırıq və bunun üçün çalışırıq. Nə qədər alınırsa bunu meydanda göstəririk.
– Növbəti turda “Sabah”la çətin oyun var. Gözləntilərin nədir?
– Hər oyuna qələbə üçün çıxırıq. Ümid edirəm ki, daha bir qələbə qazana bilərik.
– Samir Abasovun çox bəyəndiyi oyunçulardan birisən. “Neftçi”yə keçid ehtimalın olsa, dəyərləndirəcəksən?
– Hazırda “Sumqayıt”la müqaviləm var və bütün diqqətim komandadadır.
– Avrokuboklar zonasından çox uzaq deyilsiniz. Hədəf konkret olaraq nədir?
– Əlimizdən gələn qədər döyüşəcəyik. İnanıram ki, bu çətin durumdan çıxacağıq. Bacardığımız qədər yuxarı sıralarda olmaq istəyirik.
Şahin Cəfərov
