“Mən Kilian Mbappe kimi artıq dünya kubokunu qazanmış və başqa bir finalda oynamış oyunçuya məsləhət verə bilmərəm”.
Futbolpress.az xəbər verir ki, bu sözləri Madrid “Real”ının yarımmüdafiəçisi Federiko Valverde komanda yoldaşı Mbappe haqda söyləyib. O, İspaniya Superkubokunun finalı çərçivəsində “Barselona”yla qarşılaşmadan öncə fransalı forvardı dünyanın ən yaxşı oyunçularından biri kimi təqdim edib:
“O, Fransada hər şeyi qazanıb və dünyanın ən yaxşılarından biridir, qazanmaq üçün nə etməli olduğunu biləcək.”
Mbappe çoxdan gözlənilən transferdən sonra “Real”dakı ilk mövsümündə çox çətin vaxt keçirdi. O, 26 oyundan sonra 13 qol və 3 məhsuldar ötürmə ilə yadda qalıb.
Fransız superulduz bazar günü İspaniya Superkubokunun finalında “Barselona” ilə qarşılaşmada iştirak edəcək.
