Belçika Futbol Assosiasiyası milli komandanın baş məşqçisi Domeniko Tedesko ilə əməkdaşlığı dayandırmaq qərarına gəlib.
Futbolpress.az xəbər verir ki, mütəxəssislə yanaşı, onun köməkçiləri Andreas Hinkel, Maks Urvançki, Vladimir Çepzanoviç, Humberto Tedesko və Lyuk Bensted də vəzifəsindən ayrılır.
Moskva “Spartak”ının keçmiş baş məşqçisi 2023-cü ilin fevralında Belçika millisini çalışdırıb. Onun rəhbərliyi altında komanda 2024-cü il Avropa çempionatına vəsiqə qazanıb və burada pley-off mərhələsinin 1/8 finalına yüksəlib.
Belçikalılar 2024/25 Millətlər Liqasında A Liqasının 2-ci Qrupunda 4 xal toplayaraq 3-cü yeri tutublar. Komanda 20 və 23 mart 2025-ci il tarixlərində B Liqası təmsilçisi Ukrayna ilə pley-off oynayacaq.
