Azərbaycan yığması bu gün yoldaşlıq oyununda Belarusu qəbul edəcək.
Futbolpress.az xəbər verir ki, belaruslu mütəxəssis, bir dönəm “Sumqayıt”a rəhbərlik edən Aleksey Baqa yerli mətbuata açıqlamasında oyundan gözləntilərini bölüşüb:
“Nə gözləmək lazımdır? Azərbaycan Haitiyə 0:3 hesabıyla uduzub və legioner məşqçiləri var. Hər kəs tərəfindən bu nəticə son dərəcə mənfi qəbul edilir. Azərbaycanda işləmək çətindir, öz təcrübəmdən bilirəm”.
Baqa 2021/2022 mövsümündə “Sumqayıt”ın baş məşqçisi olub.
Azərbaycan – Belarus oyunu saat 21:45-də başlayacaq.
