“Atletiko”nun baş məşqçisi Dieqo Simeone Çempionlar Liqasında PSJ-yə qarşı keçirdikləri oyundan sonra fikirlərini bölüşüb.
Futbolpress.az xəbər verir ki, mütəxəssis 2:1 hesabıyla qazandıqları qələbə haqda bunları deyib:
“Beş müdafiəçimiz əskik idi. Buna baxmayaraq, komandam güclü oynadı. Qol buraxsaq da, reaksiyamız gecikmədi və fantastik qolla hesabı bərabərləşdirdik. İkinci hissədə yaxşı müdafiə olunduq və şansımızı gözlədik. Komandamızın böyük əməyi nəticəsində qələbə qazandıq. Planımızdan kənara çıxmadıq, müdafiə olunduq və şansımızı maksimum dəyərləndirdik”.
