Albaniya millisinin baş məşqçisi Silvinyo Avro-2024-ün qrup mərhələsinin ilk turunda İtaliya ilə oyunu şərh edib.
Futbolpress.az xəbər verir ki, mütəxəssis 1:2 hesabıyla uduzduqları görüşlə bağlı bunları deyib:
“Oyuna erkən qolla başladıq. Komandamız çox həyəcanlı idi. Xüsusilə, ilk hissədə daha təsirli olmalıydıq. İtaliya topu sürətlə hərəkət etdirirdi.
Məyus olduq. Azarkeşlər möhtəşəm atmosfer yaratmışdılar. Stadionun daxilində və xaricində böyük dəstək var idi. Təəssüf ki, hesabı bərabərləşdirə bilmədik.
Albaniya ikinci oyunda iyunun 19-da Xorvatiya ilə qaşılaşacaq.
