“Liverpul” İngiltərə Premyer Liqasının XXIV turunda “Mançester Siti”ni məğlub edib – 2:0.
Futbolpress.az xəbər verir ki, “qırmızılar”ın birinci qolunu Məhəmməd Salah vurub. Misirli hücumçu bu mövsüm qol+məhsuldar ötürmə sayında 40-ı keçib. O, 25 qol vurub, 16 məhsuldar ötürmə edib.
Salah Premyer Liqada iki fərqli mövsümdə qol+məhsuldar ötürmə sayında 40-ı keçən birinci futbolçu olub. O, daha əvvəl 2017/18 mövsümündə 32 qol vurub, 10 məhsuldar ötürmə edib.
