10 dekabr Azərbaycan Basketbol Liqasında (ABL) iki oyun ilə 6-cı tura start verilib.
Futbolpress.az xəbər verir ki, “Sərhədçi” İdman Mərkəzində keçirilən günün ilk görüşündə “Naxçıvan” 82-73 hesabı ilə “Neftçi” klubuna qalib gəlib. Bu qələbə A qrupunun ikinci pilləsində qərarlaşmış “Naxçıvan”nın mövqeyini möhkəmləndirib.
Günün ikinci oyununda isə “Sərhədçi” 64-67 hesabı ilə “Sabah” klubuna məğlub olub. Məğlubiyyətsiz irəliləyən “Sabah” klubu “A” qrupunun vahid lideridir.
Qeyd edək ki, 6-cı turun digər oyunları (“Ordu”-“Sumqayıt”, “Abşeron” – NTD, “Quba”-“Şəki”, “Gəncə”-“Lənkəran”) 11-14 dekabr tarixlərində baş tutacaq.
