Azərbaycan Basketbol Liqasında finalın ikinci oyununda “Sabah” “Xəzri”ni 94:63 hesabı ilə məğlub edərək seriyada bərabərliyə (1:1) nail olub.
Futbolpress.az xəbər verir ki, oyundan sonra Masazır təmsilçisinin baş məşqçisi Rimas Kurtinaytis qələbəni şərh edib:
“Qələbə qazandığımıza görə şadam. Komandamızın oyununda sərtliyi bəyəndim. Heç kimi fərqləndirmək istəməzdim. Bu gün komanda olaraq yaxşı mübarizə apardıq. Növbəti oyunlarda da aqressiv olmalıyıq. Fikrimiz tam olaraq oyunda olmalıdır. Ötən oyundə 22 top itirdik. Amma bu dəfə ilk periodu ümumiyyətlə səhvsiz başa vurduq. Qələbənin açarı müdafiədədir. Bəzi anlarda rəqibə 24 saniyə ərzində ümumiyyətlə atış imkanı vermədik”.
Komandalar arasında üçüncü oyun mayın 22-də keçiriləcək.
