Kriştiano Ronaldonun formasını geyindiyi “Əl Nəsr” Səudiyyə Ərəbistanı çempionatında növbəti oyuna çıxıb.
Futbolpress.az xəbər verir ki, sözügedən komanda azarkeşləri önündə “Əl Əhli” ilə qarşılaşıb. Görüş qollu bərabərliklə başa çatıb – 1:1.
Matçda birinci qolu qonaqların yarımmüdafiəçisi Frank Kessye vurub. “Əl Nəsr”in bərabərlik qoluna isə 90+11-ci dəqiqədə “Əl Əhli”nin oyunçusu Əl Hurayyi avtoqolla imza atıb.
Ronaldo görüşə start heyətdə çıxıb və sona qədər oynayıb.
“Əl Nəsr” 3 turdan sonra 5 xalla 6-cı sıradadır.
