“Mançester Siti”nin yarımmüdafiəçisi Rodri “Əl-Nəsr”in hücumçusu Kriştiano Ronaldonun sözlərinə cavab verib.
Futbolpress.az xəbər verir ki, poruqaliyalı ulduz 2024-cü ildə “Qızıl Top”a Vinisius Juniorun layiq olduğunu bildirmişdi. Mükafatın sahibi Rodrinin açıqlamaya reaksiyası belə olub:
“Ronaldo “Qızıl Top”a “Real”ın oyunçusu Vinisiusun layiq olduğunu söylədi. Düzünü desəm, bu, sürprizdir, çünki o, bu mükafatın necə işlədiyini və qalibin necə seçildiyini hamıdan yaxşı bilir. Səsvermədə iştirak edən jurnalistlər qərara gəldilər ki, bu mükafatı mən almalıyam. Həmin jurnalistlər yəqin ki, nə vaxtsa ona səs veriblər və məncə, o zaman onlarla razılaşıb”.
“Mançester Siti”nin yarımmüdafiəçisi ötən mövsümün sonunda “France Football”un versiyasına görə mövsümün ən yaxşı futbolçusu mükafatını qazanıb.
