“Qızıl Top” mükafatını qazanan “Mançester Siti”nin yarımmüdafiəçisi Rodri, Madrid “Real”ının braziliyalı ulduzu Vinisius Junior haqqında danışıb.
Futbolpress.az xəbər verir ki, ispaniyalı dayaq yarımmüdafiəçisi Vinisusun sözügedən mərasimdə iştirak etmədiyinə görə narahat olmadığını bildirib: “Heç kim mənə “Qızıl Top”u qazanacağımı deməyib. Mərasimə gedirsən və zərf açılana qədər gözləyirsən. Yaxşı, əgər “Real”dan heç kim gəlməyibsə, deməli, bir səbəb var idi. Amma Vinisiusun yoxluğu məni narahat etmirdi. Niyə əziyyət çəkməliyəm?”.
