Madrid “Real”ının keçən həftəsonu əsas komandada debüt edən Raul Asensio ilə bağlı böyük planları var.
Futbolpress.az xəbər verir ki, “Osasuna” ilə oyundan sonra Asensio üçün hər şey dəyişib. İspaniyalı gənc müdafiəçi bundan sonra “madridlilər”in böyüklərdən ibarət komandasının daimi üzvü olacaq. Onun İnstaqram izləyicilərinin sayı iki dəfə artaraq 200 mindən 400 minə çatıb. Hətta “kral klubu”nun rəhbərliyi Asensionun bir daha “Kastilya”ya qayıtmayacağına qərar verib.
Madrid təmsilçisi həmçinin 21 yaşlı futbolçusuyla 2026-cı ilə qədər olan sözləşməsini yeniləyəcək.
