“Real” 2025-ci ildə keçiriləcək Klublararası dünya çempionatını qazanmaq istəyir.
Futbolpress.az xəbər verir ki, bu barədə AS nəşri məlumat yayıb. Klubun yeni illə bağlı əsas hədəfi bu turnirdə qalib olmaqdır.
Klublarası dünya çempionatını qazanan 100 milyon avro gəlir əldə edəcək. “Real” bu səbəbdən üstünlüyü bu turnirə verəcək.
“Real” yarışda H qrupunda “Əl Hilal” (Səudiyyə Ərəbistanı), “Paçuka” (Meksika) və “Zalsburq”la (Avstriya) mübarizə aparacaq. 32 komandanın yarışacağı turnir iyunun 15-dən iyulun 13-dək ABŞ-da təşkil olunacaq.
