“Real” qış transfer dönəmində heyətini yeni qapıçı ilə gücləndirmək istəyir.
Futbolpress.az xəbər verir ki, bu barədə İspaniya mətbuatı məlumat yayıb. Klubun prezidenti Florentino Peres La Liqada “Barselona”ya 0:4 hesablı məğlubiyyətdən sonra qapıçı Andrey Luninin performansından narazı qalıb və yeni qolkiperə ehtiyac olduğunu düşünür.
Hazırda bu mövqe üçün əsas namizəd “Lill”dən Lyuk Şevalyedir. 22 yaşlı qapıçı bu mövsüm 16 oyunda 15 qol buraxıb. O, 7 matçda isə qapısını toxunulmaz saxlayıb.
