“Fulhem” “Mançester Yunayted”in futbolçusu Skott Maktomineyi transfer etmək istəyir.
Futbolpress.az xəbər verir ki, Premyer Liqa klubu iki dəfə təklifinin rədd edilməsinə baxmayaraq, “qırmızı şeytanlar”la danışıqları davam etdirir. Bu barədə “Sky Sports” məlumat yayıb.
“Fulhem” 27 yaşlı yarımmüdafiəçi üçün növbəti təklifini etməyə hazırlaşır.
Skott 2017-ci ildən “Mançester Yunayted”in formasını geyinir. O, ümumilikdə 282 oyunda 32 qol vurub, 8 məhsuldar ötürmə edib.
