Yeni mövsümün hazırlığını davam etdirən “Qəbələ” bu gün növbəti yoxlama oyununu keçirəcək.
Futbolpress.az xəbər verir ki, “qırmızı-qaralar” səfərdə “Mingəçevir”lə üz-üzə gələcək.
Matç Y.Məmmədzadə adına Mingəçevir şəhər stadionunda baş tutacaq. Qarşılaşma saat 17:30-da başlayacaq.
Bu, “qırmızı-qaralar”ın 4-cü yoxlama oyunu olacaq. “Qəbələ” bunadək Küveyt təmsilçisi “Əl-Yarmuk” (2:2), “Zaqatala” (2:0) və “Cəbrayıl”la (5:2) görüşüb.
