PSJ Çempionlar Liqasından kənarlaşdırıla bilər.
Futbolpress.az xəbər verir ki, buna səbəb Paris klubunun sabiq futbolçusu Kilian Mbappeyə borclu olmasıdır. Bu barədə “Le Monde” nəşri məlumat yayıb.
PSJ-nin Mbappeyə 55 milyon avro borcu var. Fransalı hücumçu bununla bağlı Fransa Futbol Federasiyasının vasitəsilə Fransa Peşəkar Futbol Liqasına (LFP) və UEFA-ya müraciət edib.
LFP-nin ölkədə böyük səlahiyyətləri var. Qurum klubların transferlərinə qadağa qoya və UEFA lisenziyasını ləğv etmək hüququndadır.
Mbappe PSJ-dən azad agent kimi ayrılıb və “Real”la müqavilə imzalayıb.
