Azərbaycan Premyer Liqasında bu mövsüm səfər oyunlarında ən yaxşı nəticə göstərən komanda “Qarabağ”dır.
“FutbolPress“in məlumatına görə, “atlılar” qonaq kimi çıxdığı 9 oyunda 7 qələbə qazanıb, 2 heç-heçə edib. Qurban Qurbanovun rəhbərlik etdiyi kollektiv səfərdə məğlub olmayan yeganə komandadır. Premyer Liqada lider olan kollektiv səfər görüşlərində 21 qol vurub, 3-nü buraxıb. Komandanın topladığı xal 23-dür.
Səfər görüşlərində ən yaxşı statistikası olan ikinci komanda “Araz-Naxçıvan”dır. Elmar Baxşıyevin rəhbərlik etdiyi komanda 9 görüşdə 7 qələbə qazanıb, 1 heç-heçə edib, 1 dəfə də uduzub. Səfərdə 22 xal toplayan kollektiv 11 qol vurub, 4-nü buraxıb.
“Üçlüy”ü “Zirə” tamamlayır. “Qartallar” 9 səfər görüşündə 5 qələbə qazanıb, 1 heç-heçə edib, 3 dəfə isə uduzub. Rəşad Sadıqovun yetirmələrinin səfər xalları 16-dır. Komanda bu görüşlərdə 13 qol vurub, 8-ni buraxıb.
Səfər matçlarında qələbəsi olmayan iki komandadan biri “Səbail”dir. Bayıl təmsilçisi 9 görüşün 8-də uduzub, 1-də heç-heçə edib. Premyer Liqanın autsayderi səfər matçlarında ən pis statistikası olan kollektivdir.
Qonaq olduğu matçlarda 3 xala həsrət qalan digər kollektiv “Neftçi”dir. “Ağ-qaralar” 9 səfər matçında 5 heç-heçə edib, 4 qələbə qazanıb.
Şahin Cəfərov
