Portuqaliyalı müdafiəçi Pepe karyerasını başa vurub
Futbolpress.az xəbər verir ki, bu barədə futbolçu özü məlumat verib. 41 yaşında peşəkar futbolçu karyerasını bitirən Pepenin son klubu ölkəsinin “Portu” klubu olub. O, klub karyerasının böyük hissəsini Madridin “Real” komandasında keçirib. Müdafiəçi burada oynadığı 10 il ərzində 3 dəfə Çempionlar Liqası, 3 dəfə İspaniya çempionluğu yaşayıb. 1 mövsüm “Beşiktaş” forması geyinən Pepe son 5 mövsüm “Portu”da top qovub. Klub karyerası ərzində 671 oyuna çıxan Pepe 43 dəfə rəqib qapılara yol tapıb. Portuqaliyalı müdafiəçi eyni zamanda ölkəsinin əsas millisində də 17 il çıxış edib.
