“İnter”in baş məşqçisi Simone İnzaqi A Seriyasında “Napoli”yə qarşı keçirdikləri oyunu şərh edib.
Futbolpress.az xəbər verir ki, mütəxəssis 1:1 hesabıyla bitən matçla bağlı bunları deyib:
“Komandamı sərgilədiyi oyuna görə təbrik etdim. Oyunun ədalətli nəticəsi bizim qalib gəlməyimiz olardı. Xüsusilə, ikinci hissədə çox üstün oynadıq. Yaxşı oynadığımız anlarda qol buraxdıq. Buna baxmayaraq, toparlandıq və rəqibə başqa şans vermədik. “Arsenal”la çətin oyundan sonra belə yaxşı olacağımızı gözləmirdim”.
“İnter” A Seriyasında 12 turdan sonra 25 xalla 4-cü sıradadır.
