“Bavariya” Bundesliqanın IV turunda “Verder”i məğlub edib – 5:0.
Futbolpress.az xəbər verir ki, Münhen təmsilçisinin qapıçısı Manuel Noyerin görüşdə iştirak etməməsinin səbəbi məlum olub. Bu barədə “Kicker” nəşri məlumat yayıb.
Noyer Çempionlar Liqasında “Dinamo” (Zaqreb) ilə oyunda (9:2) budundan zədə alıb və narahatlığı olub. O, bu səbəbdən “Verder” səfərində forma geyinməyib.
Qolkiperin sentyabrın 28-də “Bayer”lə oyunda iştirakı gözlənilir.
