“Əl-Hilal”ın futbolçusu Neymar, Kriştiano Ronaldonun Səudiyyə Ərəbistanı Pro Liqasının, keyfiyyət baxımından Fransa Liqa 1-i geridə qoyduğuna dair fikirlərini təkrarlayıb.
Futbolpress.az xəbər verir ki, braziliyalı oyunçu bu barədə CNN-ə verdiyi müsahibədə danışıb:
“Kriştiano ilə razıyam. Bu gün Səudiyyə Liqasının Liqa 1-in üstündə olduğunu düşünürəm”.
Ronaldo, liqanın çətin iqlimi və rəqabət xarakterini əsas gətirərək Səudiyyə Pro Liqasının Liqa 1-dən daha yaxşı olduğunu iddia edirdi. Neymar Liqa 1-in güclü tərəflərini etiraf edərək onu “çox yüksək səviyyəli çempionat” adlandırsa da, Səudiyyə Ərəbistanı Pro Liqasının artan keyfiyyətini də etiraf edib:
“Səudiyyə Ərəbistanı Pro Liqasının səviyyəsi yüksəlir, oyunçular da daha yaxşıdır”.
