Bu gün AFFA İntizam Komitəsinin iclası keçirilib.
Futbolpress.az xəbər verir ki, İntizam Komitəsinin bu gün keçirilən iclasında Azərbaycan Kubokunun 1/4 final mərhələsi çərçivəsində baş tutan oyunlar və Azərbaycan Premyer Liqasının “Araz-Naxçıvan” “Kəpəz” matçı ilə bağlı aşağıdakı qərarlar qəbul edilib:
Azərbaycan Kuboku 1/4 final
5 fevral 2025-ci il tarixində Azərbaycan Kubokunda 1/4 finalın “Kəpəz” – “Neftçi” oyunu bitdikdən sonra “Neftçi” klubunun azarkeşləri tərəfindən pirotexniki vasitədən istifadə edildiyinə görə “Neftçi” klubu 1500 manat cərimə edilsin (maddə 52.2);
6 fevral 2025-ci il tarixində Azərbaycan Kubokunda 1/4 finalın “Araz-Naxçıvan” – “Zirə” oyununda “Zirə” komandasında 4 nəfər sarı vərəqə aldığına görə “Zirə” klubu 700 manat cərimə edilsin (maddə 37);
6 fevral 2025-ci il tarixində Azərbaycan Kubokunda 1/4 finalın “Səbail” – “Qarabağ” oyunu bitdikdən sonra meydançaya kənar şəxslər daxil olduğuna görə “Səbail” klubu 800 manat cərimə edilsin (maddə 51.2).
Azərbaycan Premyer Liqası XXII tur
10 fevral 2025-ci il tarixində Azərbaycan Premyer Liqasında XXII turun “Araz-Naxçıvan” – “Kəpəz” oyununda “Kəpəz” klubunun heyətində 4 nəfər sarı vərəqə aldığına görə “Kəpəz” klubu 700 manat cərimə edilsin (maddə 37)
