“Real”ın futbolçusu Luka Modriç İspaniya Superkubokunda “Barselona”ya uduzduqları oyunu şərh edib.
Futbolpress.az “Marca”ya istinadən xəbər verir ki, xorvatiyalı yarımmüdafiəçi 2:5 hesabıyla bitən görüşlə bağlı bunları deyib:
“Əsas rəqibinizin bu qədər qol vurması xoşagəlməz haldır. Məncə, buna cavab verəcəyik, əminəm. Oyunun belə olacağını düşünmürdük. Təəssüflənirik.
İndi birlikdə işləmək lazımdır. Əminəm ki, mövsümü yaxşı tamamlayacağıq. “Barselona”nı təbrik etmək lazımdır, onlar daha yaxşı idi”.
