“Milan”ın futbolçusu Teo Hernandes karyerasını İspaniyada davam etdirə bilər.
Futbolpress.az xəbər verir ki, “Barselona” 26 yaşlı müdafiəçinin xidmətində maraqlıdır. Bu barədə Almaniya mətbuatı məlumat yayıb.
“Barselona” ilə yanaşı, “Bavariya” da Teonu transfer etmək istəyir. Lakin cinah müdafiəçisi İspaniyada oynamağı üstün tutur.
Hernandes bu mövsüm 44 oyunda 5 qol vurub, 10 məhsuldar ötürmə edib. Onun “Milan”la müqaviləsi 2026-cı ilin yayına kimidir.
