“İnter Mayami”nin hücumçusu Lionel Messi karyerasını bitirdikdən sonra məşqçiliklə məşğul olub-olmayacağı ilə bağlı sualı cavablandırıb.
Futbolpress.az ESPN-ə istinadən xəbər verir ki, argentinalı oyunçu bu haqda düşünmədiyini deyib:
“Həmişə demişəm ki, məşqçi olmaq istəmirəm. Bunu düşünmürəm, ümumiyyətlə, bu, xoşuma gəlmir”.
Messi 2023-cü ilin yayında PSJ-dən “İnter Mayami”yə keçib. Onun klubla müqaviləsi 2025-ci ilin yayına kimidir.
Argentinalı hücumçu bu mövsüm 15 oyunda 14 qol vurub, 11 məhsuldar ötürmə edib.
