“Lion” sabah Avropa Liqasının Liqa mərhələsi çərçivəsində səfərdə “Qarabağ”la qarşılaşacaq.
Futbolpress.az xəbər verir ki, oyundan öncə keçirilən mətbuat konfransında Fransa təmsilçisinin futbolçusu Jordan Veretu iştirak edib. 31 yaşlı yarımmüdafiəçi oyunla bağlı fikirlərini bölüşüb:
– Rəqibin heyətində çox təhlükəli və keyfiyyətli futbolçular var. Yaxşı hücumlar qurmağı bacarırlar. Rəqibin heyətində yer alan Yassin Benzia əvvəllər “Lion”da çıxış edib. Öz performansımı bərpa etməyə çalışıram. Müxtəlif mövqelərdə oynamağı bacarıram. Hər şey baş məşqçinin qərarından asılıdır. Qalib gəlmək üçün bütün gücümüzü səfərbər etməliyik. Oyun çətin keçəcək.
