Xviça Kvaratsxeliya PSJ-yə keçməyə hazırlaşarkən “Napoli” azarkeşlərinə ürəkdən vida mesajı paylaşıb.
Futbolpress.az xəbər verir ki, gürcüstanlı cinah oyunçusu sosial şəbəkədə kluba, şəhərə və azarkeşlərə təşəkkürünü bildirib, eyni zamanda klubun əfsanəsi Dieqo Maradonanın xatirəsini ehtiramla yad edib.
“Napoliyə, şəhərə, azarkeşlərə və Dieqonun xatirəsinə təşəkkürlər… Bu sehrli hissi və birlikdə qazandığımız Skudettonu unutmayacağam”.
Kvaratsxeliyanın “Napoli”dən ayrılması onun karyerasında əlamətdar bir fəslin başa çatması deməkdir. 2022-ci ildə 10-12 milyon avro müqabilində Batumi “Dinamo”sundan qoşulandan bəri, 22 yaşlı futbolçu debüt mövsümündə Skudetto zəfərində əsas rol oynayaraq “Napoli”nin uğurunda mühüm rol oynayıb.
“Napoli”də olduğu müddətdə Kvaratsxeliya bütün yarışlar daxil olmaqla 107 oyunda 59 qol vurub.
