“Sabah” Azərbaycan Premyer Liqasının XXXIII turunda “Araz-Naxçıvan”la heç-heçə edib – 1:1.
“Bayquşlar”ın futbolçusu Abdulla Xaybulayev “Futbolpress.az“a açıqlamasında oyunla bağlı fikirlərini bölüşdü:
“Araz-Naxçıvan” yaxşı təşkilatlanmış komandadadır. Oyunun asan keçməyəcəyini bilirdik. Bir neçə imkanımız olsa da, dəyərləndirə bilmədik”.
“Sabah” çempionatda 33 turdan sonra 41 xalla 5-ci sıradadır. “Futuristlər”in liqada iddiası qalmayıb. Xaybulayev belə vəziyyət yaranmağına baxmayaraq, oyunlara köklənməyin çətin olmadığını qeyd etdi:
“Oyuna köklənməkdə problem yoxdur. Hər oyun vacibdir. Köklənmədə problem olsa, kubokun finalına yaxşı hazırlaşa bilməyəcəyik. Buna görə də hər oyunun əhəmiyyəti böyükdür”.
Yarımmüdafiəçi kubokun finalının “Qarabağ”la oyunu haqda da danışdı:
“Şanslar bərabərdir. Final bir oyundan ibarət olacaq və hər nəticə qeydə alına bilər. Kuboku qazanmasaq, mövsümü uğurlu saya bilmərik. Lakin indi bu haqda yox, çempionatdakı oyunlar barədə düşünürük”.
Şahin Cəfərov
