Belarus millisinin futbolçusu Kiril Peçe sabah Azərbaycana qarşı keçirəcəkləri yoldaşlıq oyunundan öncə mətbuat konfransında iştirak edib.
Futbolpress.az xəbər verir ki, oyunçu jurnalistlərin suallarını cavablandırdı:
– Dünənki Portuqaliya və Danimarka matçından kimin sizə rəqib olmasını istəyirdiz?
– Əksəriyyətimiz, Portuqaliyanı istəyirdik. Hətta Kriştiano Ronaldonun penaltini vura bilməməsinə də sevinmişdik. Əfsuslar olsun ki, bu mümükün olmadı.
– Azərbaycana qarşı 2 dəfə oynamısız. Bu gün əvvəlki oyunlara baxanda, nə dəyişib?
– Minskdəki oyun çoxdan olub. Lakin buradakı matçı çox yaxşı xatırlayıram. Rəqibin yaxşı futbolçuları var. Xüsusən, “Qarabağ”ın oyunçuları Avropada çıxış etdikləri üçün böyük təcrübəyə sahibdirlər. Bizi çətin oyun gözləyir.
– Həm klubda, həm də millidə Azərbaycanın əsas sütununu “Qarabağ”ın oyunçuları təşkil edir. Onları təhlil etmək daha asandır?
– İndiki zamanda kimliyindən asılı olmayaraq, istənilən futbolçu haqda kifayət qədər məlumat almaq olur.
– Süni ot örtüklü meydança yoxsa təbii?
– Əlbəttə, təbii ot örtüklü stadion daha yaxşıdır. Ancaq Belarusdakı mövcud şəraitlə əlaqədar olaraq, bütün oyunçular hər iki meydançaya öyrəşiblər.
Mirkamal Kazım
