Türkiyənin “Konyaspor” klubu heyətini yeni futbolçu ilə gücləndirib.
Futbolpress.az xəbər verir ki, Super Liqa təmsilçisi “Alkmaar”dan Rişedli Bazuru transfer edib. Bu barədə klubun mətbuat xidməti məlumat yayıb. 27 yaşlı müdafiəçi ilə 2 illik müqavilə imzalanıb.
Bazur daha əvvəl “Ayaks”, “Volfsburq”, “Portu” kimi klublarda forma geyinib.
“Konyaspor” daha əvvəl “Qarabağ”dan ayrılan Hamidu Keyta ilə müqavilə imzalayıb.
