“Yuventus”un futbolçusu Kenan Yıldız A Seriyasında “İnter”ə qarşı keçirdikləri oyunu şərh edib.
Futbolpress.az xəbər verir ki, 4:4 hesabıyla bitən matçda “qoca sinyora”nın iki qolunu vuran türkiyəli yarımmüdafiəçi bunları deyib:
“İnter” kimi komandaya qarşı geridönüş etmək və iki qol vurmaq asan deyil. Bunu bacardığım üçün xoşbəxtəm. Məşqçimə və komandaya təşəkkür edirəm. Komanda kimi oynadıq. Futbolda hər şey dəyişə bilər. Mübarizə apardıq və işlər istədiyimiz kimi getdi”.
