“Yuventus” futbolçusu Danilonu transferə çıxarıb.
Futbolpress.az xəbər verir ki, bu barədə insayder Fabrizio Romano məlumat yayıb. Turin təmsilçisi kapitanla müddəti mövsümün sonuna kimi olan müqaviləni uzatmayacaq.
Klub oyunçunun satışından pul qazanmaq istəyir və onun üçün qış fasiləsində gələcək təklifləri dəyərləndirəcək.
Danilo 2019-cu ilin avqustundan “Yuventus”da forma geyinir. 33 yaşlı müdafiəçi bu mövsüm A Seriyasında 12 oyuna çıxıb.
