Azərbaycan millisi UEFA Millətlər Liqasının VI turunda bu gün İsveçin qonağı olacaq. Stokholmda “Friends” arenada baş tutacaq görüşə saat 23:45-də start veriləcək.
Azərbaycan yığması tarixində beşinci dəfə bu rəqiblə qarşılaşacaq. Bu oyunların 4-də rəqib, 1-də Azərbaycan qələbə qazanıb. Komandalar arasındakı son matçda İsveç Bakıda millimizi 3:1 hesabıyla məğlub edib.
Görüşün favoriti yenə isveçlilərdir. Heyətinə görə millidən qat-qat üstün olan rəqib xüsusilə azarkeşləri önündə demək olar, məğlubedilməzdir. İsveç yığması rəsmi oyunlarda sonuncu dəfə öz evində 2023-cü ilin sentyabrında Avstriyaya uduzub – 1:3.
Komanda Millətlər Liqasında bu mövsüm iki ev oyununu da qazanıb. Slovakiyanı 2:1, Estoniyanı 3:0 hesabıyla məğlub edən komanda hazırda da qrupda 13 xalla birincidir. Bərabərlik də onlara B Liqasına yüksəlmək üçün kifayət edir.
Kamil Əhməd
