“Arsenal”ın sol cinah müdafiəçisi Aleksandr Zinchenko Madrid “Atletiko”sunun hədəfinə çevrilib.
Futbolpress.az xəbər verir ki, bu barədə jurnalist Florian Plettenberq məlumat yayıb. Onun sözlərinə görə, 28 yaşlı ukraynalının potensial transferi ilə bağlı ciddi danışıqlar aparılır. Madrid klubu həm tam transferə, həm də satın alma öhdəliyi ilə kreditə açıqdır. “Arsenal” Zinçenkonu bonuslarla birlikdə 20 milyon avro dəyərində qiymətləndirir. Zinçenko özü klubdan getmək istəyir. Onun London klubu ilə müqaviləsi 2026-cı ilin iyunun sonuna kimidir.
Bildirilir ki, Dortmund “Borussiya”sı hələ də ukraynalı üçün yarışdadır, lakin yüksək transfer haqqı və Bundesliqa klubunun həm də mərkəz müdafiəçisi kimi çıxış edə biləcək futbolçu axtarışına görə maraqları soyuyub.
