Xaviyer Maskerano “İnter Mayami”nin yeni baş məşqçisi oldu.
Futbolpress.az xəbər verir ki, Maskerano gələn mövsümdən etibarən “İnter Mayami”ni çalışdıracaq. Bir çox mənbə artıq müqavilənin tamamlandığını təsdiqləyib.
Maskerano məşqçisi olduğu Argentina U-20 düşərgəsini tərk edərək, yeni komandasını ilk dəfə görəcəyi ABŞ-yə yollanıb.
Beləliklə, Maskerano illər əvvəl onun “Barselona”da komanda yoldaşları olmuş Lionel Messi, Cordi Alba, Serxio Buskets və Luis Suarezin baş məşqçi postunu tutacaq.
Bir müddət öncə Xavi Hernandezin MLS klubunun baş məşqçisi olacağıyla bağlı xəbərlər yayılsa da onun keçmiş komanda yoldaşı Cordi Albayla arasındakı problemlərə görə bu keçid reallaşmadı.
