AFFA İntizam Komitəsinin iclası keçirilib.
Futbolpress.az xəbər verir ki, toplantıda II Liqanın XVIII turunun oyunları ilə bağlı aşağıdakı qərarlar qəbul edilib:
“Ağdaş” – “Sheki City” oyununda “Ağdaş” klubunun 5 futbolçusu sarı vərəqə aldığı üçün “Ağdaş” komandası 70 manat cərimə edilsin (maddə 37);
“Ağdaş” – “Sheki City” oyununun 90+3-cü dəqiqəsində “Ağdaş” komandasının 20 nömrəli futbolçusu Ülvi Sarıyev ikinci sarıdan qırmızı vərəqə aldığı üçün 1 oyun cəzalansın, “Ağdaş” komandası 50 manat cərimə edilsin (maddə 36.5);
“Ağdaş” – “Sheki City” oyunu bitdikdən sonra “Ağdaş” komandasının azarkeşləri tərəfindən meydançaya kənar əşyalar atıldığına görə “Ağdaş” komandası 80 manat cərimə edilsin (maddə 52.1);
“Şəfa” – “Şəmkir” oyununda “Şəmkir” komandasında 4 nəfər sarı vərəqə aldığı üçün “Şəmkir” komandası 70 manat cərimə edilsin (maddə 37);
“Şəfa” – “Şəmkir” oyunu bitdikdən sonra meydançaya kənar şəxslər daxil olduğuna görə “Şəfa” komandası 80 manat cərimə edilsin (maddə 51.2);
“Kür-Araz” – “Füzuli” oyununda “Kür-Araz” komandası matçın ilkin protokolunu elektron sistemdə gec təsdiq etdiyinə görə “Kür-Araz” komandası 100 manat cərimə edilsin (maddə 91);
“Kür-Araz” – “Füzuli” oyununda “Kür-Araz” komandasının 6 futbolçusu sarı vərəqə aldığı üçün “Kür-Araz” komandası 70 manat cərimə edilsin (maddə 37);
“Kür-Araz” – “Füzuli” oyununda “Füzuli” komandasının 4 futbolçusu sarı vərəqə aldığı üçün “Füzuli” komandası 70 manat cərimə edilsin (maddə 37);
“Kür-Araz” – “Füzuli” oyununda “Füzuli” komandasının adı matçın protokolunda olmayan rəsmi şəxsi Vasif İsmayılov texniki zonada olduğu üçün “Füzuli” komandası 80 manat cərimə edilsin (maddə 53.4).
