“Barselona”nın baş məşqçisi Hans-Diter Flik İspaniya La Liqasının XI turunda “Real”ı məğlub etdikləri oyunu şərh edib.
Futbolpress.az xəbər verir ki, mütəxəssis 4:0 hesabıyla bitən oyunla bağlı bunları deyib:
“Hamımız çox xoşbəxtik. Bu nəticəni mən yox, futbolçular qazandı. Komanda şəklində əla oynadıq və azarkeşlərimizə gözəl qələbə bəxş etdik. “Real”a qarşı oynamaq asan deyil. Müdafiədə yaxşı oynadıq və belə davam etməliyik.
Bizim üçün vacib addım oldu. Dünyanın ən yaxşı komandalarından birini məğlub etdik. Əsas məqam müdafiədəki inamlı oyunumuz oldu”.
