“Bavariya”nın kanadalı futbolçusu Alfonso Deyvis İspaniya nəhəngi Madrid “Real”ına keçməyə qərar verib.
Futbolpress.az xəbər verir ki, bu barədə “kral klubu”na futbolçunun ətrafındakı insanlar məlumat verib. “Real” rəhbərliyi Deyvisin qərarından bir neçə gün əvvəl xəbər tutub. 24 yaşlı oyunçuya “Barselona” və “Mançester Yunayted” də təklif göndərib. Lakin Deyvis onlara gələcəyi ilə bağlı artıq yekun qərar verdiyini bildirib.
Qeyd edək ki, cinah futbolçusunun Almaniya təmsilçisiylə müqaviləsi cari mövsümün sonunda başa çatır.
