İspaniyanın çalışdırıcısı Luis de la Fuente IFFHS (Beynəlxalq Futbol Tarixi və Statistikaları Federasiyası) tərəfindən milli komanda səviyyəsində 2024-cü ilin ən yaxşı baş məşqçisi seçilib.
Futbolpress.az xəbər verir ki, Beynəlxalq Futbol Tarixi və Statistikaları Federasiyasının hazırladığı siyahıda Argentinanın çalışdırıcısı Lionel Skaloni 2-ci, Fransanın baş məşqçisi Didye Deşam isə 3-cü olub. Türkiyə milli komandasının rəhbəri Vinçenzo Montella 8-ci pillədə yer alıb.
Ən yaxşı 10 məşqçi aşağıdakı kimidir:
1. Luis de la Fuente (İspaniya) – 274 xal
2. Lionel Skaloni (Argentina) – 148
3. Didye Deşam (Fransa) – 35
4. Qaret Sautqeyt (İngiltərənin sabiq məşqçisi) – 26
5. Emerse Fae (Fildişi Sahili) – 18
6. Yulian Naqelsmann (Almaniya) – 17
7. Nestor Lorenzo (Kolumbiya) – 14
8. Vinçenzo Montella (Türkiyə) – 8
9. Villi Sanol (Gürcüstan) – 6
10. Marselo Bielsa (Uruqvay) – 5
