“Nyukasl” təcrübəli müdafiəçi Fabian Şör ilə müqaviləni uzatdığını açıqlayıb.
Futbolpress.az xəbər verir ki, isveçrəli futbolçuyla 2026-cı ilin iyun ayının sonuna qədər davam edəcək əmək müqaviləsi imzalanıb.
Şör 2018-ci ilin yayında “Deportivo”dan “sağsağanlar”a transfer olunub. 33 yaşlı futbolçu bu mövsüm 33 matçda meydana çıxıb, 4 qol vurub və 1 məhsuldar ötürmə edib.
“Nyukasl” hazırda Premyer Liqanın turnir cədvəlində 5-ci yerdədir.
