“Bu oyun ən çox narazı qaldığmız matç oldu”

Azərbaycan Premyer Liqasının VII turunun “Turan Tovuz” – “Araz-Naxçıvan” oyunundan (1:2) sonra meydan sahibi komandanın baş məşqçisi Kurban Berdıyev jurnalistlərin suallarını cavablandırıb.

Futbolpress.az xəbər verir ki, mütəxəssis əvvəlcə görüşlə bağlı fikirlərini bildirib…

– Rəqib qələbəyə daha çox layiq idi. Onlarda hamı bir nəfər kimi mübarizə aprırdı. Biz bundan nəticələr çıxarmalıyıq. Paltardəyişmə otağında da bu barədə futbolçularıma bildirdim.

– Bu məğlubiyyətdən hansı nəticələri çıxaracaqsınız?

– Komada 6 turdur lider idi. Bu da uşaqlara psixoloji yük verə bilərdi. Ona görə də futbolçularım oyunlara daha çox fokuslanmalıdır.

– Millerə qarşı qayda pozuntusu olan epizodu necə şərh edərdiniz? Sizcə, orada qırmızı vərəqə vermək olardı?

– Mənim üçün nəsə demək çətindir. Hakim belə qərar verdi.

– Aleks Souza zədələnib. Hücumda narahatlıq hiss edirsiniz?

– Sözsüz ki, Aleksin yoxluğu hiss olunurdu. O, yaradıcı hücumçudur. Amma futbol zədəsiz qaçılmazdır. Bu oyun ən çox narazı qaldığmız matç oldu. Planlaşdırdığmız çox şeyi edə bilmədik. “Araz-Naxçıvan” bizi bir çox komponentdə üstələdi. 

Şahin Cəfərov