Azərbaycan Premyer Liqasının 8 qolla bombardiri Coy-Lens Mikels üç oyundur, qol vura bilmir.
“FutbolPress“in məlumatına görə, alman hücumçu sonuncu dəfə çempionatda XVII turda “Araz-Naxçıvan”la görüşdə fərqlənib.
Eyni sayda qol vuran Felipe Santos da bir neçə oyundur, susqundur. “Araz-Naxçıvan”ın braziliyalı hücumçusu 5 matçdır, qol vura bilmir. O, sonuncu dəfə XV turda “Turan Tovuz”la görüşdə toru sirkələyib.
Bombardirlik yarışında 3-cü pillədə yer alan və aktivində 7 qolu olan Davit Volkov da digər bombardirlər kimi susqundur. O, 5 oyundur, fərqlənmir. Volkov son olaraq XV turda “Sumqayıt”la görüşdə het-trik edib.
Şahin Cəfərov
