Yaxın vaxtlarda Lerik şəhər stadionunda təmir işlərinə başlanılacaq.
“FutbolPress”in əldə etdiyi məlumata görə, ilkin mərhələdə stadionun ot örtüyü yenilənəcək, tribunalarda bərpa işləri aparılacaq.
Təmir-bərpa işləri Gənclər və İdman Nazirliyinin Ehtiyat Fondundan ayrılan maliyyə vəsaiti əsasında baş tutacaq.
II Liqada mübarizə aparan “Lerik” klubu bu günə qədər ev oyunlarını Lənkəran OİK-nin stadionunda keçirirdi. Komanda 14 kollektiv arasında mövsümü 23 xalla 11-ci sırada başa vurub.
Məlik Məlikov